Flavorz全日餐廳

餐廳 Flavorz 光線好足，落地玻璃望出去係福田一帶高樓景，氣氛偏寧靜，不會有大堆旅行團嗰種嘈雜感。 食物選擇方面，中、西、亞洲區都好齊，台面排得工整，唔會有「大排檔」感覺。 冷盤有沙律、芝士、凍肉，旁邊係水果區，蘋果、提子、香蕉同季節水果都幾新鮮，啖啖都有水份。 熱食區就有炒麵、香腸、焗番薯、粥粉麵，以及蒸籠點心，包點唔算創新，但勝在穩陣同熱辣辣上枱。 最值得慢慢歎係現煮檔，同一般酒店只係煎蛋、奄列唔同，呢度會有即叫即做嘅 Eggs Benedict、炒蛋等，啲蛋熟度掌握得幾好，炒蛋係綿身不過熟，班尼迪克蛋嘅荷蘭汁都算順滑。 旁邊有細細本 menu，比你揀想要嘅配料，同廚師講幾句就搞掂，感覺有少少似「私人定製早餐」。 如果鍾意中式，紅油抄手都係人氣之選，麻辣味偏香唔太辣，朝早食一啖都幾醒神。 飲品選擇都幾花心思，唔止係基本橙汁牛奶，仲有幾款現榨果汁，枱面排住紅、綠、黃三色，視覺上已經幾開胃。 咖啡可以要手沖或機做，服務員會主動幫你 refilled，唔需要自己四圍搵人叫。 整體服務都好主動，但節奏唔迫人，食緊嘢都唔會成日嚟收碟，留到最後一杯咖啡慢慢飲都冇問題。

食物水準一流，服務人員態度親切，餐廳提供多樣菜式和飲品給戶客選擇，照顧來自不同地方的戶客口味。